मधेस आन्दोलनका पीडितहरुद्वारा उच्च स्तरीय छानबीन आयोगको प्रतिबेदन माग

मधेस आन्दोलनका पीडितहरुले उच्च स्तरीय छानबीन आयोगको प्रतिबेदनको प्रमाणित प्रतिलिपि माग गरेका छन् . प्रधानमन्त्री तथा मन्त्रिपरिषदको कार्यालयको सूचना अधिकारीलाई सम्बोधन गरि सुचना गरेका हुन्.

सर्वाेच्च अदालतको पुर्व न्यायाधीश मा. गिरीश चन्द्र लाल अध्यक्ष रहेको “तराई, मधेश, थारुहट लगायतका क्षेत्रमा विभिन्न राजनीतिक दलहरुले गरेको आन्दोलनको क्रममा भएको हिंसा, हत्या, आगजनी, तोडफोड लगायतका घटनाहरुको सत्य तथ्य छानबीन सम्बन्धी गठित उच्च स्तरीय छानबीन आयोग” ले अध्ययन र छानबीन गरेको प्रतिवेदन औपचारिक रुपमा यस प्रधानमन्त्री तथा मन्त्रिपरिषद कार्यालयको प्रमुख सम्मानीय प्रधानमन्त्री ज्युलाई मिति २०७४।०८।२८ गते बुझाएको छ । सो छानबीन आयोगको प्रतिवेदन उनीहरुको व्यक्तिगत सरोकारको विषय भएको अध्ययन प्रयोजनको प्रतिवेदनको पुर्ण पाठ माग गरेका छन् ।